Monday, February 28, 2011

是曰作品-壹

仍在學習階段...

Model: 巧克




是日兩餐:非隨影 


Patisserie la cigogne


呢間係我幫襯得最多嘅一間甜品鋪。佢仲有買面包,朱古力,咖啡, quiches 等等, 不過我未食過。

D甜品靚到呀...味道大部份都好正,係有 D 好重酒味我唔好 (笑)。

Dream of China

The Symphony

Creme Brulee

Exotic Flower

Ba-Ba au Rhum

Bacarra

The Imperial
諗唔起...

差一個諗唔到係咩...


Sunday, February 27, 2011

車仔面

今日食港式車仔面。

N餸一面餅 :滷蛋,  蜂巢豆腐, 滷牛肚, 滷雞翼, 咖哩雜丸, 豬紅。

滷蛋

秘製蜂巢豆腐







































車仔面







































牛肚滷得好入味,好淋。至於滷蛋就....可以有進步嘅空間,因為睇相都見到啦.....蛋白仲係白

色嘅 (笑)。我食咗好多牛肚同丸呀 !








































是日精選:憂鬱小女生巧克 

Saturday, February 26, 2011

是曰晚餐




是日晚餐由 Yan 大廚主理,有意式頭盤及主菜。




頭盤: Fresh Mozzarella Salad (with beet and tomato)









































主菜:自製Gnocchi 加自製豬肉腸



















十個讚!期待下星期嘅晚餐 (笑)。

Friday, February 25, 2011

日記壹




























孖蛋實驗結果:真係打咗兩隻蛋都孖喎! 今日去買LottoMax先~






去買Lottery 嘅商場有間洋人超市 Loblaws, 所以順便去買下零食呀,洋人食品咁(笑)。

註:洋人食品即係芝士, cold cut,面包。

 題外話,每次見到芝士都會諗起甄文達。有次响電視節目見到佢教煮聖誕大餐,佢一直都係講

<Chee士>,初頭以為佢講錯一次啦,點知佢每一次都係講 <Chee士>,自此以後我都會跟佢講

Chee士。










































其中一個零食: President's Choice  Barbecue Back Ribs Chips

厚切架 ! 味道唔錯,夠濃,有 D D蕃茄酸味同 BBQ 味。呢一個系列嘅薯片又唔貴又幾好食,讚!

又,我終於解開咗孖蛋嘅謎底啦!原來我地買嘅寫住係 double egg yolk! 咁即係我地中唔到

LotterMax 啦(笑)!




今日嘅甜品:自家製 Vanilla Cupcake with Strawberry frosting。好味到爆啊!

嗰 cup cake 好鬆軟好moist, 而嗰 frosting 好甜好草莓味 !









































最後附上是日精選一張 (笑)

Thursday, February 24, 2011

照顧 Moka一日記

今日兩位大人都返工,剩低小女子一個湊狗同兔。


一開始都幾順利架~三個齊齊瞓 (笑) 。又唔食嘢又唔玩,我都不知幾嘆。




就係呢個樣維持到中午。

但下午就嚟料啦 ...跑呀跳呀咬呀抓呀都算啦,諗住 Moka 未食野就俾D零食佢啦, 

十分鐘之後竟然嘔 !? 仲要兩次 (唉),令到我有D雞手鴨腳 。

然後同佢玩嘅時候,又差D打破酒樽...

去厠所行咗十五分鐘 (响厠所前),又想大又想細,望住我好似問我要大定細咁,最後我揀咗細(笑)

出街去大呢,就企正响停車場門口,方圓十里都冇垃圾筒...惟有拉佢去附近嘅 Plaza棄"金"

好彩你俊俏嘅外型同風褸吸引咗無數人嘅讚美,等我有番D虛榮感 (哈)

大人們就快返啦~宜家嘅我一路聽住兔兔嘅打呼聲,一路望住Moka熟睡嘅樣,寫完呢個post 。  

Blackberry 現象

我未嚟多倫多之前只係响睇報紙嘅時候見到 黑莓呢個名詞,但從來都唔知佢係咩樣,同有咩咁特

別。身邊嘅人唔係用 iPhone就係 Nokia,  黑莓從來都冇朋友用過。

呢邊勁囉! 人人無嘢做就响到按按按....以下係一D搞笑/唔搞笑嘅例子 :



例子一:

話說有一堂教 RIM (黑莓公司), Professor問有幾多人用 Blackberry.

全班大概 80% 嘅人舉咗手...無舉嘅大部份都係用 iPhone。



例子二:

宜家我做緊份 group project 有 8 個 group member.

有一次其中 7 個响 meeting 期間決定咗下一次 meeting 嘅地點後,其中5個同時講咗句:

" I will BB her". ( her =嚟唔到𠴱位同學)

嘩! 咁即係邊個 bb 佢呀 ? (笑)



Blackberry 有佢嘅好處, 可以 bbm 同樣有 Blackberry 嘅朋友, 但對D無黑莓嘅人好多壞處。

好似我嘅朋友會用bbm 講 D難以開口嘅說話;有時開會就各自睇住自己部莓 ,好似全世界消失咗

咁; 再唔係就一有重要事要俾意見嘅時候响到按按按當聽唔到你講嘢 ...



各位朋友,活生生嘅人企响你面前你唔理,偏偏就對住部死物按按按..點解呢?



註:第二次買到孖蛋啦! 又唔見我地中 649 ~哈~

Wednesday, February 23, 2011

被放鴿子的一天

話說今日約咗四個朋友去Yorkdale 行街。 可惜响出發前半個鐘,某位朋友 text 咗另一位朋友病咗唔去外加佢自己都唔去啦。就係咁,我個原本好開心嘅 shopping day 就泡湯啦。

同另一個朋友商量後,我地決定約另外 D 朋友齊齊去 High Park 放狗 。

























On the way 某狗在微笑 (笑), 冇被攝入鏡嘅係另一隻坐响後面好不安嘅細狗:塔塔 (Tata)

唔安全到達 ! 皆因可憐嘅塔塔嘔咗....佢仲未習慣坐長途車呢。

























入到去冇影到相,因為我地 5 分鐘後就嚇走咗 (笑)。

入面全部都係大狗:金毛尋回算係中型啦响入面... 對 巧克 (小牧)同塔塔 (teacup poodle)嚟講,

的確係一個恐怖嘅地方。而且突然有兩隻 Doberman互咬打交,嚇到塔塔喊, 所以大家都話要

離開呢個大狗專用嘅 dog park。

呢個時候巧克去咗邊呢? 佢已經自己跑咗去門口啦 (笑)

就係咁,我地去咗另外一道放狗啦 ~


























望住零食嘅巧克 (笑)  D 人話專心嘅時候特別靚係可以用响狗身上架 !

回程嘅時候兩隻狗都瞓咗, 辛苦哂啦狗狗 !

P.S 希望塔塔你唔會返屋企之後病啦!



Monday, February 21, 2011

放狗 @ Family Day

今日朝早接咗 Choco 同 Moka 一齊去 Off-leash Park 玩。

天氣唔錯再加上係假期嘅關係, 一路都有大大細細嘅狗出入。




難得 Choco今日肯跑




















全場最細粒嘅狗 (笑) 又驚青 ,大狗想同佢玩但 Moka 驚到尖叫同夾尾...

Sunday, February 20, 2011

Marben Restaurant

又係一個月食一次好嘢嘅時候啦!今個月揀咗Marben @Wellington West。

一行三人, 頭盤share 咗 Ryan's Charcuterie.


















侍應生稍稍介紹咗一下,但環境有D嘈所以只係聽到一兩個:

左起:豬肉, 朱古力加牛肉, 牛肉, 牛心 同肥豬肉,
旁邊仲有唔同嘅漬物同醬同一小碗脆面包。
整體味道唔錯,尤其係牛心同朱古力嘅比較特別。

主菜叫咗三個share:


















上圖所見,三個菜嘅顏色係差唔多嘅,因為佢地嘅 side dish 係相差無幾: Kale, Yam, Celery Root...

左邊係 Roasted Beef, 口感幾嫩可惜等三道菜一齊出嘅時已經凍咗

中間係 Duck Breast, 好嫩但可以生D,而且 side dish  嘅味都係咁濃令到道菜有D heavy


















右邊係 Sea Bass,全晚之最 煎得好香口,皮好脆。

主菜過後要咗兩個dessert:
一個係Apple Pudding, 第二個係 Coupe au Chocolat, 為是晚畫上一個句號, 
唔完美架, 不過有加到分。

消費: $45/ person
味道: 3.3   /5
服務: 3.5/5
整體: 3.4   /5
© My Gymnasium @ Toronto 2012 | Blogger Template by Enny Law - Ngetik Dot Com - Nulis