趣事數則

1.話說巧克前幾日嚟咗一日,順便同Moka玩咗一日。

由於巧克有生之年都沒什麼機會玩,每次嚟到都會玩得異常瘋狂。

最初Moka上梳化(增加自己的優勢),巧克都會在地下到企圖咬玩,

前幾次進化到跟住Moka跳上梳化再跳落地(巧克家教話唔准)。

今次進化到响無人見到下跳上梳化同Moka激鬥,完全冇想落地的意圖,直到我出現喝止。

勁呀巧克公主,當咗呢度係自己屋企啦!

2.話說昨日帶Moka去老地方見老朋友,回程時為了迴避Angry Bird要行第二條長D嘅路。

嗰條街好多車好亂,要睇實Moka唔會走得太慢,

就响混亂之後,有位著制服的年輕男子問我Moka 係咩狗,答完佢我超緊張,

心諗"你要向我傳教,點逃離好呢?"呢個時候佢開始問D普通問題,例如我係邊到嚟..

然後佢又講咗句"你好",呢個時候Moka覺得位男子企得太近開始吠,佢越吠越大聲,

最後位男子見到Moka吠就俾咗張卡片我然後走咗啦!

Moka,做得好!救駕成功!

* Angry Bird住响屋企對面街棵樹到,亦係去老地方必經之路嘅起點。

Angry Bird們平時企响樹枝/地上監察環境,有人行過會先警告(叫聲),

唔聽嘅再飛前D叫多幾次,仲唔聽就會針對你嗰頭進行低飛攻擊。

送上cute version嘅angry bird (笑)。

有得買架!

SVQA4GN6DV5Q

後天加工

在家無事幹,唯有積極學習,裝備自己。

今天自學的是Photoshop的退地。

以下是我今天的成品,請笑訥:

大兔兔+王子後宮

不成比例的王子與我

歡迎大笑。

近期愛看的電視節目榜-第二位

第二位

Kitchen Nightmares

最喜歡看的是Gorden Ramsay 用大量粗口罵人(笑)。

節目的頭半部份是Gorden Ramsay試菜-一定不好吃,說是冷凍食品,更甚是像狗的糧食,

然後站在一旁看看餐廳的日常運作-食物出得慢,侍應不會介紹食物,或者是東主失跡.

最後是入廚房觀察-賣相求其,內外不配合,甚至是有極大的衛生問題...

緊接離不開的是一場粗口的責罵/對罵,

當然我不明白為何東主請Ramsay救餐廳但仍會同Ramsay鬧交...

最搞笑的一集是Ramsay罵東主係 busy idiot,

而做和事佬的向東主解釋 busy idiot 响英國係不同意思時,嗰東主居然相信!

再搞笑的是很多原本對Ramsay態度很差的東主會在一夜之間當Ramsay 是神般千依百順,

呢點我真係唔明..

http://www.fox.com/kitchennightmares/

近期愛看的電視節目榜-第三位

第三位是

Dragon's Den。

節目內容是五位加籍有錢商人做Dragons,
然後每集會有想創業,想擴充公司的創業家在Dragons前游說他們投資。
好看之處是80%的創業家都愛獅子開大口,
例如有$30,000 CAD業績但就要求幾百萬去買其公司的10%股份,
Dragons之後會問其公司點值幾千萬,創業家嘅答案離不開"預計將來有一千萬業績"。
一講呢句就再見了。
仲有有時D發明家會帶住不可思義的商品,
例如俾狗睇嘅電視節目,書, 可再用嘅廁布(非厠紙呵!)。

呢個節目真係好好笑架!
http://www.cbc.ca/dragonsden/about.html

近期愛看的電視節目榜-第四位

第四位是 Dog the Bounty Hunter !

喜歡看的原因是劇情好峰迴路轉。

首先看到警方的懸紅要捉賊，

然後尋找關於他的資料並打電話給認識他的人問其位置。 

唔講啦喎，就逼到你講!

拿到電話號碼就假裝是政府人員或賣家買家引蛇出洞，

或者直搗黃龍，揸住枝槍大叫 “出嚟！”。

佩服的是他們很會計算時間及位置去捕人，

每次都會詳細討論每人的位置，

然後响目標出現後從四方八面同時間跑出來，用幾枝槍押人走。

更佩服的是每次捉人遇到反抗都會粗口滿天飛，

但只要人一上到車就會遞煙、擦傷口、講道理。

談及的內容離不開為什麼犯罪呀？你有子女嗎？

還有最重要的是出獄後有問題可以去找他們。

嘩，幾峰迴路轉！

有興趣的請去

http://www.dogthebountyhunter.com/

近期愛看的電視節目榜-第五位

 最近看多了電視,其一多了時間在家(雙失嗎...無辦法),

其二時終於有電視可看(這才是重點)。

差不多把有興趣或沒有興趣的都看了一遍,

所以決定寫一下近期最愛的電視節目!

第五位

Parking Wars

講一班專係負責抄牌同鎖車嘅人(Parkign Authority)平時工作期間遇到嘅事,

例如有部份人俾人抄牌會好欣然接受,甚至同ticketing嘅有講有笑(前提是要型仔/美女)。

但大部份人都會爆粗,甚至企圖動武。

最記得有一集的婆婆被抄後不甘心只有他一人被抄,所以死跟着抄他的那個officer,

然後走過每架車都問為什麼不抄他的。

那個婆婆跟了差不多半個小時都不願走,最後要警察來先走。

每次看見他們要發ticket或者要lock車時都好緊張,希望他們快快做完逃離現埸,

要不然發生的通常不會是好事(笑)。

有興趣時請到

http://www.aetv.com/parking-wars/

迷路

我唔係一個路癡。

我只係唔認路啫。

你俾地圖我,我就唔會行錯路。

大前題係要有地圖,不過有邊個成日帶地圖架?

好記得第一日住宿時,放學後由library行返屋企( town house)。

由於第一日到學校,所以抱住有路就行嘅態度。

首先我行咗去學校外圍,然後望住個地圖估下自己响邊。

跟住行下行下,我直頭行咗出學校範圍外條大馬路到。

見到咁多車覺得唔對路,又望吓地圖先行番入宿舍地區。

再穿過小路,終於見到屋企啦!

我用咗九個字由學校行番宿舍呀(笑)。

又,第二年搬咗出去住。

話說我呀哥已經教咗我望住嗰 city hall行就會返到屋企啦, 心諗實冇問題嘅。

結果,我望住cinema 嗰出口無出而選擇咗Old Navy。

然後望住一望無際嘅停車埸,嘆一口氣,繼續上路。
行呀行呀行到去商業區,連人影都無。
我終於知我行錯方向啦,所以打咗俾阿哥要佢指引正路。
原來我行錯咗方向(笑)。
結論係:無地圖有電話都好有用。

自此以後都無再行錯路啦!
不過間唔中去完商場冼手間都會搵唔到出口。
最記得有次走咗入後樓梯發現行錯路,
推門出返去搵返正路時連清潔叔叔都笑住咁指我去商場出口。

我好有信心以後都唔會再迷路嘅!

TTC

TTC 係 Toronto Transit Commission,亦即係好似香港嘅港鐵,不過佢仲有 Bus 同Street Bus。

當然係差好多嗰種啦...

問題一: 自出自入

當 Service booth 無人嘅時候, 有D人會唔俾錢入閘...

問題二：態度惡劣

TTC 嘅職員變臉變得好快架！

有一次排隊買token 時,前面個男仔可能唔知加咗價而俾少咗錢,俾嗰職員企响身用粗口鬧呀!

企正後面嘅我心諗 "死啦,到我啦...千祈唔好"媽媽"我呀。"

好彩,佢又變番好人喎...

又有一次有個男仔同職員講有人 stuck 咗响出口個旋轉門,想搵人去幫手。

位職員答咗句" What do u want me to do ? What can I do ?” 就唔理人啦...

問題三:停止服務

首先,TTC响假日係9點開頭班 subway (Bus 同Street Car 唔同)

想晨早去搶 boxing day? 慢慢等巴士啦 (笑)

仲有尤其係返工、放工時間特別多暫停服務。

你坐坐下就會發覺"咦?架車咁耐都唔郁嘅?” 你可以做嘅就係...

一係等,一係好彩附近有巴士去目的地, 唔係嘅,你有本事咪行去囉。

仲有仲有,subway 有時會未到總站就趕你出去等下班車。

試過見到架去方向嘅subway响對面月台停車要乘客跑過我嗰架到,

我見到有D乘客未落車,門就關咗啦!望住佢地叫(口型啦.咁遠鬼聽到)同拍門嗰下,

我都好驚,唔知佢地會去邊,又驚自己會遇到 (註:第一次見到係堅驚架,不過宜家無有怕啦)。

最吊詭嘅係,

港鐵每年都有盈餘,但唔知點解 TTC就算均一價 $3 (HK $24) 一程都可以無錢賺...

呢個係一個 謎。

照顧 Moka一日記

今日兩位大人都返工,剩低小女子一個湊狗同兔。


一開始都幾順利架~三個齊齊瞓 (笑) 。又唔食嘢又唔玩,我都不知幾嘆。

就係呢個樣維持到中午。

但下午就嚟料啦 ...跑呀跳呀咬呀抓呀都算啦,諗住 Moka 未食野就俾D零食佢啦, 

十分鐘之後竟然嘔 !? 仲要兩次 (唉),令到我有D雞手鴨腳 。

然後同佢玩嘅時候,又差D打破酒樽...

去厠所行咗十五分鐘 (响厠所前),又想大又想細,望住我好似問我要大定細咁,最後我揀咗細(笑)

出街去大呢,就企正响停車場門口,方圓十里都冇垃圾筒...惟有拉佢去附近嘅 Plaza棄"金"

好彩你俊俏嘅外型同風褸吸引咗無數人嘅讚美,等我有番D虛榮感 (哈)

大人們就快返啦~宜家嘅我一路聽住兔兔嘅打呼聲,一路望住Moka熟睡嘅樣,寫完呢個post 。  

Blackberry 現象

我未嚟多倫多之前只係响睇報紙嘅時候見到 黑莓呢個名詞,但從來都唔知佢係咩樣,同有咩咁特

別。身邊嘅人唔係用 iPhone就係 Nokia,  黑莓從來都冇朋友用過。

呢邊勁囉! 人人無嘢做就响到按按按....以下係一D搞笑/唔搞笑嘅例子 :



例子一:

話說有一堂教 RIM (黑莓公司), Professor問有幾多人用 Blackberry.

全班大概 80% 嘅人舉咗手...無舉嘅大部份都係用 iPhone。



例子二:

宜家我做緊份 group project 有 8 個 group member.

有一次其中 7 個响 meeting 期間決定咗下一次 meeting 嘅地點後,其中5個同時講咗句:

" I will BB her". ( her =嚟唔到𠴱位同學)

嘩! 咁即係邊個 bb 佢呀 ? (笑)



Blackberry 有佢嘅好處, 可以 bbm 同樣有 Blackberry 嘅朋友, 但對D無黑莓嘅人好多壞處。

好似我嘅朋友會用bbm 講 D難以開口嘅說話;有時開會就各自睇住自己部莓 ,好似全世界消失咗

咁; 再唔係就一有重要事要俾意見嘅時候响到按按按當聽唔到你講嘢 ...



各位朋友,活生生嘅人企响你面前你唔理,偏偏就對住部死物按按按..點解呢?



註:第二次買到孖蛋啦! 又唔見我地中 649 ~哈~