晨早起身去放狗...
依然唔識得點控制佢地。
之後响屋企執野行左行右,
兩隻八卦狗又照跟左跟右,
去邊都聽到八隻腳嘅腳步聲。
仲有八吓我D行李,跳上跳落,王子仲大膽到踩落我D衫到...
佢地無一刻係停過架!
執到兩點幾覺得有D肚餓就去煮嗰面食,
煮煮吓火警鐘突然響!
公主同王子初期都無野,點知一有人講嘢,
兩個就發狂咁叫,情況一發不可收拾。
最後兩個叫到無力先休息...
王子依舊強行瞓係我嘅大脾上,而公主就將個頭瞓落我嘅大脾到,
直到要出去玩為止。
之後帶咗佢地去公園到搏下有冇狗同佢玩,
可惜遇到一個白目後生仔同佢隻狗Cash...
位白目人係咁問D無聊問題,仲要懶係好熟咁問D私人問題。
好似問我係咪放棄咗中國戶籍,又問我自己有無狗,
之後問我嗰袋仔响邊到買,答咗佢又問多次...語氣又唔好喎,
好似我好selfish咁唔答佢。
先生,對唔住都要講句:係你英文唔掂關我咩事(怒)!
最過份係佢隻狗"搞"王子我輕輕推開Cash嘅時候,
白目人居然同我講話佢地係狗,唔識呢D嘢,所以好正常同俾佢搞啦!
嘩!我嗰刻嬲到想走!
被"un"嗰隻唔係你嘅你就緊係無所謂啦,仲講D咁唔負責任嘅說話!
以後老遠見到你都即走呀!
去完街,兩隻終於乖乖地瞓覺啦!
