沒有莫卡時一天

話說今天莫卡王子跟人返工,所以屋企剩下我同兔兔兩個。

反正王子唔响到,我就俾兔兔自由地遊走。

最初佢都唔係好郁,只係企响籠門到望住出面。

我心諗你唔想出嚟就算啦,我門就開咗啦!

結果,過咗五分鐘就聽到腳步聲啦(笑)。

見到兔兔行咗出嚟,我就順便攞咗佢D零食引佢走近我(奸)。

成功!

兔兔為咗食不擇手段,慢慢咁爬上我個大脾上面食零食(笑)。

佢D毛好柔軟,而嗰腳掌就好綿,踏落我到好似按摩(無尖指甲嘅話)。

就算無野食,佢都响我身邊走嚟走去八卦,

佢真係好鬼可愛呀!