肉骨茶

自少很喜歡飲藥材湯,所以一直都好想自己煲肉骨茶!

買了小磨坊的肉骨茶包,也就不清楚今次煲的是那一國的肉骨茶了。

這包肉骨茶入面有獨立包裝的藥材,一包香料包及一個放藥材的煲湯小袋。

包裝上寫了煲肉骨茶的步驟,其中一樣是一斤排骨...

我要煲兩斤即係要兩包材料啦,唯有自己响屋企執D僅有的藥材加料啦。

做法好簡單,先將排骨氽水,同時倒1.5 L水及所有在肉骨茶包的配料落大煲。

再把氽完水的排骨放入煲,加五粒不用去衣的蒜頭同你想要的材料,

小妹落了茶樹茹及冬茹,臨食前也加了豆卜。

煮到排骨淋,什至骨肉分離再落鹽調味就完成啦!

完成品。

顏色應該再深一點,味道應該再濃一點,但只有一份材料...失策也。

送上某日蓮花露整嘅炸春卷,新鮮熱辣,超級好味!

再送上某日整的醉雞.....爭少少先夠熟,唉。

自家美食

自從夏天開始慢慢離去,煮完飯後嗰天已經黑咗一半,影相嘅興緻已經失去了。

唔理啦,點都要記低自己煮過咩!

韓式芽菜炒雞件

大雞脾切件後用韓式辣醬、煮食用酒、麻油、豉油及糖醃至少半個鐘。

燒熱鍋就先煎香雞件至金黃色,再落剩底的醃醬及一杯水煮滾,不夠味可以再加多D韓式辣醬。

雞熟後轉小火並將芽菜倒入攪拌就完成啦!

鎮江排骨

好掛住响杏花樓食嘅鎮江排骨飯,甜甜酸酸,開胃到小妹呢個唔好食飯嘅人可以用汁送一碗飯。

先將一條條嘅排骨氽水。

爆香蒜、薑同蔥然後放排骨煎到金黃色,然後倒入鎮江錯、生抽、老抽、片糖及一杯水。

開大火煮熔糖後收細火炆,小妹炆了大概四個鐘先做到帶點骨肉分離。

大都會茶餐廳

今日晨早去幫忙做節目,負責的阿姨很好人的接載幾個幫忙的到達場地及請吃早餐。

去的是大都會茶餐廳,我要了B餐:牛油多士及火腿雙蛋。

先送上鴛鴦,奶茶跟咖啡的比例剛剛好,亦算很滑。

不過當侍應送上鴛鴦及奶茶時,她並沒有說明哪個是那個,弄得我們有點疑惑。

牛油多士是厚多,烘得挺熱而且多士軟綿綿的。

煎蛋一隻是流心的煎蛋而另一隻則是至熟的煎蛋,而火腿則並非一般豬肉火腿,

倒是有點像不好吃的午餐肉薄片。

最大的問題是多油,是超多油,吃起來是像吃油浸火腿加蛋。

整體來說,多士是不俗的,但不足以彌補多油不好吃的缺點。

又,今日義務替友人拍滷味食物的照片,但店裏有些食物還沒有滷因此好心店員問我生的可以嗎。

我問了旁邊負責的工作人員,他居然叫我photoshop到變成滷味的樣子。

嗯...photoshop是有個按鈕一按可以變成滷味吧,我的版本就沒有了。

滷牛展

牛展早在前一天出水然後放進自家滷汁滷了兩個小時。

滷汁材料有滷水料一包外加水，豉油、冰糖、鹽、酒、葱、蒜、薑及辣椒粉。

煮完放涼然後一整煲放入冰箱。

第二日要食前再滷多一個半到兩個鐘,同時加咗豆腐同白蘿蔔一齊滷。

成品色水靚,食落仲正!牛展又淋又入味,白蘿蔔連嗰心都上色的!

而且因為加了辣椒粉令到味道層次多了點,不錯!

好啦,其實今晚約了前室友去食韓國菜,所以並沒有在家吃晚餐。

一回家見到一盆切得靚又擺得靚嘅滷牛展就忘記之前吃得有多飽,拿起牙籤吃。

在此感謝蓮花露及單車男沒有忘記我的習慣為我的餸菜拍照留念。

同場加送前幾天弄的豉油全雞,味道不錯,就是皮都俾我整爛哂(笑)。

錦繡冷面

嘩!名稱動人的冷面說穿了只是雞絲蟹柳青瓜絲蛋絲麻醬冷面。

很簡單地把雞扒、蟹柳烚熟待涼後再手撕開,打蛋煎成蛋皮切絲,

將青瓜冼乾淨又切絲,最後將面煮好過冷河並將所有材料放進冰箱。

這時可以慢條斯理調醬:黑醋、花生醬、豉油及糖。

花生醬最重要,其他就因應自己喜好而調製。

完成!

Toronto Island

昨天跟朋友們一起去了Toronto Island玩。

大家約了10:30 在碼頭等,時間尚早,因此排隊人龍沒有很長。

船票要 CAD$6.5 ( HKD$50),包回程。也就是去的時候要俾票,而回程是不需要票。

全程大概十至十五分鐘,吹着海風很舒服,舒服到後期一點冷。

船內分兩層:下層只有一個個窗,適合有小小朋友/狗的家庭,而上層則只有少量長櫈,

因為只有欄杆的關係,大部份人都是站着看風景。

到達後直接去了海灘附近的草地野餐!每位朋友帶一樣食物/飲品一齊分享。

有Lay's Ketchup味, President's Choice Chocolate Cookie, 果汁,梳打汽水,

朱古力muffin, 水果,同好偉大的前室友自製三色三層三文治!

食完午餐大家一起走到海灘落水玩了一會兒便去租單車踩。

六個人租了一架四人單車($40/hr)及一架二人單車($20/hr),外表有點似泰國那架的的(笑)。

瘋狂地踩咗一個鐘後已經失去力量,就去還車,結果一個入只需要$7.5?

抵喎,唔洗曬太陽又可以遊覽咗半個島。

之後仲去咗動物園到睇豬牛羊同兒童樂園添!

大概四點左右就回程啦。我覺得Toronto Island都幾值得去架!

自製脆皮燒肉- Crispy Chinese Roasted Pork Belly

小妹繼整完叉燒後,由向開燒味鋪的夢想行前一步啦!

今次整了燒肉!

參考了很多網友的食譜,最後自己集各家長處而做出自己的懶人方法。

首先要買一件豬腩肉/五花腩-即最佳為有五層明顯的肥膏及肉。

洗乾淨並擦乾件肉,然後要留意有没有豬毛,有請用盡辦法整走佢,好彩我那兩件豬腩都沒有。

然後請準備五香粉及料理酒(花鵰、紹興...)為豬腩按摩,
更好彩的事又發生了,家裡沒有五香粉。
唯有上網看看五香粉成份在家自製,最後用了八角、丁香、玉桂同鹽、糖磨粉。
完成按摩就要鋪一層厚厚的粗鹽於豬皮上,盡量避免接觸到肉。
然後把豬腩放入冰箱雪一晚直到要焗。
要焗的時候請先抹走所有鹽,然後開上火450F (Broil)先焗脆皮(大概十至十五分鐘)。
見到全塊脆皮出現先改為用Bake 350F焗熟(差不多五十至一個鐘)。
完成!

黃金魚肉豆腐條

繼續搞搞新意。

其實魚肉豆腐=老少平安,為何叫老少平安?

請參考百度。

先把現成魚肉與豆腐一盒拌勻,加上適量調味(鹽、胡椒)。

放入容器內(正或長方型為佳)蒸熟,我蒸了大概十分鐘。

蒸熟後把整塊魚餅切條,稍為放涼一下。

準備兩個容器,一個打蛋漿,一個放生粉。

把魚肉條先四面滾一下生粉,再沾些蛋漿,再放進熱油裏煎。

當見到表面轉成金黃色就完成了!

甜酸沾醬都好簡單,只是用茄汁加醋加糖,

比例基本上茄汁最多,其次是醋,喜歡酸的可以加多點醋。

最後稍稍加熱就可以了!

內軟外脆,好味!

黯然銷魂包走蛋

話說數天前小妹弄了六條叉燒(Char Siu)後,蓮花露已提出要整叉燒三文治,
甚至諗定要用什麼配料。

今天就去買材料整蓮花露心目中的叉燒三文治。

材料有自家種生菜、自家製叉燒及西式硬豬仔包一隻。

生菜用 honey mustard 加少少 olive oil 調味,而叉燒就切件放入之前剩下的叉燒汁煮熱。

然後將所有材料放入焗過的硬豬內就大功告成。

味道非常有層次, honey mustard 的微辣令嗰包不會獨沽一味只有叉燒的甜味。

略嫌嗰包未達水準,下次要買種好味D嘅包。

忘記嗰包,這個叉燒三文治可以說是滿分,因此我叫它做黯然銷魂包走蛋。

不清楚什麼是黯然銷魂?請參巧黯然銷魂飯。

足料橫切面

最後送上真狗版熱狗腸三文治,

我並沒有強迫它做的,是王子自己看見張被忍不住睡在間(笑)。

Spring Rolls Fast Food

今天又約了友人們到Fairview Mall逛街。

這個商場的餐廳都不太合心水,加上外面下着微微細雨,最後決定去Food Court 各取所需。

即使知道不會好吃,小妹仍然一心想吃北美式中菜快餐。

逛了一個圈,看到大槪有四家快餐都賣北美中菜,既然價錢一樣,就選一家較出名的試吧!

最後是Manchu Wok跟Spring Rolls的競爭,結果Spring Rolls因為有河粉而勝出。

這次叫的是一肉一菜Combo。

肉選了Sesame Chicken,而菜則要了Garlic Vegetable。

河粉份量很足夠,而且還有不少芽菜去增加口感。

味道就是豉油的鹹味,但沒有炒得很均勻,因為有的地方有上色,有的沒有。

跟其他快餐一樣,因為長期加熱的關係,河粉有點乾並且黏在一團。

雞是炸的,說不出是什麼味道,大概是酸甜雞的少甜少酸版本吧。

炸粉沒有很厚,也不會出現全件炸粉扮雞的現象,而且雞肉還挺嫩。

而炒雜菜主要是西蘭花,不得不說蒜味是挺重的,不錯。

不過,

這三個菜的共通弊病是...超油,

但試問有哪家不是這樣呢?

送上友人吃的Jimmy the Greek 飯盒,

友人習慣了小妹每餐必拍照,所以主動拿自己的飯盒給我拍照。

友人說味道挺不錯呢!

消費: $7.5 / person
味道: 2.9         /5
服務:/       /5
整體:2.9        /5

自家叉燒-Chinese BBQ Pork (Char Siu)

煮到無路可煮,轉為向燒味入手。

今次煮的是最簡單容易的叉燒!

調味很容易:花雕酒、叉燒醬、海鮮醬、豉油及麻油。

只需要醃大概兩、三個鐘(最好醃過夜會更入味),

然後用300F慢慢焗熟(我焗了兩個半小時),

中途可以拿出來翻面及多塗點調味醬,

最後的五分鐘可以塗點蜜糖令叉燒表面燒焦一點,完成!

完成品外貌同燒臘店的可以一比高下,

味道的相似度亦有80%,就連肉質都是很鬆軟,肥瘦亦剛剛好。

呵,退休真係可以開間燒臘店啊~

English Version
Ingredients:
Pork Loin 
A lof of Char Siu Sauce 
Some Hoisin Sauce 
Some chinese cooking wine ( I used Hua Diao cooking wine)
Some soy sauce
Some sesame oil
Some honey 
( Sorry for not giving a specific amount because I made the sauce randomly as long as I feel the sauce taste delicious lol)


Steps:
1. Wash the pork loin and dry it with paper towel.
2. Mix the above sauce except honey together and marinate the pork loin for about 2 hours or more.
3. Preheat the oven to 300 degree F and roasted the pork loin for 50-60 minutes.
4. At the last 5 minutes, put some honey on Char Siu and let it roasted for the last 5 mins.
5. Set aside to let it cool down to cut, and ready to serve!


Little Notes:
Normally people roaste it at 350 degree F, but I choose 300 degree F because I have time to let it roasted slowly, which make the pork loin more tender and juicy. You can roast it at 350 degree F if you are in a rush and the time needed will be shorter (probably around 40 mins).

食涼粉

Times Square必遊景點

南園

買咗雞批同蛋撻,

我最愛雞批!

皮好重牛油味,而且入面有唔少雞肉同唔知咩野(笑)。

呢個算唔錯啦,

曾經食過另一間嘅,嗰皮係可以上下分離架,仲有唔少雞皮添....

仲自製咗水果涼粉

有大量生果,好味!

好耐無食過涼粉啦。

種草日

話說之前去咗downtown買草種,

今日終於買多D泥去幫佢地搬屋啦!

首先上陣嘅係生菜

跟住係Basil 

仲有Sage,

雖然望落去有D弱同彎,但我相信佢得架!

最後仲有Rosemary加Parsley

  

大家要努力長大呀!我等食你架!

沒有莫卡時一天

話說今天莫卡王子跟人返工,所以屋企剩下我同兔兔兩個。

反正王子唔响到,我就俾兔兔自由地遊走。

最初佢都唔係好郁,只係企响籠門到望住出面。

我心諗你唔想出嚟就算啦,我門就開咗啦!

結果,過咗五分鐘就聽到腳步聲啦(笑)。

見到兔兔行咗出嚟,我就順便攞咗佢D零食引佢走近我(奸)。

成功!

兔兔為咗食不擇手段,慢慢咁爬上我個大脾上面食零食(笑)。

佢D毛好柔軟,而嗰腳掌就好綿,踏落我到好似按摩(無尖指甲嘅話)。

就算無野食,佢都响我身邊走嚟走去八卦,

佢真係好鬼可愛呀!

那個用四個半小時換來的十分鐘

 今日可以用一句來形容:

妹仔大過主人頭

話說為了申請工作簽證,我要攞一封學校信去證明我可以畢業,

亦因為咁,要特登坐車去學校申請封信...

首先九點出門去搭TTC,

朝早嘅TTC開得特別慢,用咗一個鐘多D先去到Islington。

跟住又要等十分鐘先有巴士,再搭多五十幾分鐘,

終於响十一點三到學校啦(感動)!

申請過程好快,只係排隊攞表,填表,再排隊俾錢,

完成。

我計過啦,由落巴士到完成再行去等巴士只係用咗十分鐘...

然後回程請讀返前一段..

只係程序有變,先巴士後TTC。

就係咁,我用咗四個半小時去做一樣十分鐘做完嘅野。

嘩,今日過得好充實呀!下個禮拜再玩過先!

又,今日煮紅糟豬扒...

新挑戰,為我充實嘅一日更添充實。

P.S嗰四個鐘我做咗D咩?我打爆咗一個game同讀咗四分之三本陶傑嘅書,

同時掙扎緊呢嗰四個半小時換來的十分鐘應否加入我做過嘅蠢事事件簿中(笑)。

送上靚到爆櫻花一張。

Downtown遊

今日去 downtown 行街街。

提早出門搭TTC落去,但居然又停止服務咗15 分鐘...

仲要响Sheppard Station 有架壞車,心諗應唔應該搭shuttle bus 去sheppard,

但又諗應該好快無事,就企响到等。

好彩過咗3-5分鐘就有subway嚟,証明我嘅決定係正確嘅!

去 China Town 嘅笑牛食pho!

然後再去Kensington Market。
買咗churros,兩個caramel 同兩個 chocolate。
因為啱啱食咗pho,所以帶咗返屋企食。
雖然無現炸嘅咁好食,但D醬好好味,
而且始終比自己整嘅好食...

El Gordon Fine Foods @ Kensington Market

Address: 214 Augusta Ave, Toronto

仲有買咗杯好味嘅cappuccino飲!

之後就去買大量嘅herbs返屋企種,希望佢地乖乖地長大啦!

最後,送上寂寞王子相一張..

無咗公主嘅城堡,只係剩返安靜呢兩個字。

草莓瑞士卷

見到人地整嘅草莓瑞士卷好得意,

所以決定今日試整。

貌似OK不過係癡肥老人版(笑)

貪心地加咗好多cream同士多啤梨。

睇吓入面幾足料!

不過兩邊都裂咗...
我會再接再厲架!

第十二日

先post 上昨晚嘅晚飯:

有四個side dishes

Cherry Tomatoes

Yam Fries

正!自制薯條。

椰菜加蘋果,

好配個主菜!

主菜

Honey Mustard 豬扒

好鍾意嗰汁同冬菇,好好味!

講返今日,佢地玩得越來越顛,

次數亦越來越密,

就連出街行都要互咬對方先開心(笑)。

不過因為玩得多咗,

佢地唔玩嘅大部份時間都係瞓覺...

但我一拎衫去出門口就即刻醒喎(笑)。

而且兩個做D野亦越來越一致,

一齊醒啦,一齊出街食地下D野,一齊吠。
可愛的小狗們!

第十一日

今日天晴,

繼續出街玩!

呢個"小公園"無靚櫻花,只有野菊花。

都好過冇,照殺。

開口笑公主x認真王子@野黃菊

貌似幸福愉快...

有傾有講

實情係貌合神離 

走嘅時候兩個一齊瞓,

王子主動瞓响公主隻腳上面(笑)。

之後去Galleria買野食,

買咗Fish Cake三枝:分別有腸仔,韓國年糕同蟹柳。

腸仔最有味同夠味,蟹柳就係我最愛所以我都覺得唔錯,年糕就無咩味.,好平淡。

仲有

Walnut cake

入面有紅豆蓉,好甜!

我估新鮮整嘅會好味好多。

第九日

第九日

一朝早起身就扭作一團玩,

公主好似要將八年嘅精力响一日用哂(笑),

係咁引王子玩。

今日王子要去睇醫生,所以留咗公主一個响屋企。

佢企圖跟住出去,可惜被我推番入屋...

望住佢楚楚可憐嘅樣真係傷心。

以下張相係吸麈時佢地八卦入去兔兔地盆搞搞震,

我乘機監禁佢地入去,費事佢地阻住哂。

咁就順便影番張合照啦!

又,今日整咗churros 做茶點,

係咁炸係咁食(笑)。

炸嘢嘅過程係幾好玩味,哈!

個dough係唔錯嘅,不過同出街買嘅有D差距..

呢個mix 應該無得encore 啦。