日記拾叄

尋晚瞓覺發噩夢,夢見阿媽煮飯俾我食。

應該係話夢見阿媽俾碗湯我飲,飲完第一啖口驚見LadyBugBug 嘅屍乾!

已經嚇到半死,諗住最多唔飲湯啦!食餸無問題啩。

點知一夾又係Ladybugbug,我暈啦。

阿媽話春天啦,佢一路煮飯D LadyBugBug 一路飛來飛去,將就吓啦!

估唔到阿媽居然响夢入面蝦我(笑)。

又,我係好驚Ladybug 的。

記得第一年响宿舍住見到一隻飛咗入房,黏住响我個洗潔精到(唔好問點解會响房),

我望住佢好想喊,拎住枝洗潔精响廳行左行右。

最後我決定fing 隻LadyBug走....簡直係一個恐怖嘅經歷。

我估.....因為Ladybug顏色太鮮艷同好多波點,所以我唔鍾意佢?

是日午餐係公仔面。

晚餐:
上海之夜 By Chef Yan
頭盤叄輝(醬黃瓜,四喜烤夫及醉雞)


失敗咗DD。
烤夫有酸味,估計係本身烤夫唔夠好,因為其他配料都好正常、好入味。


可以再浸耐D嘅醉雞


主菜:
紅燒獅子頭伴溫室豆苗
超好味!獅子頭好鬆化,嗰汁完全符合上海菜所着重嘅濃油赤醬。

湯:

冬瓜雞湯

美味嘅一餐!感謝!