包雲吞

原定上海之夜嘅湯,雲吞雞因為時間嘅關係整唔切,

所以屋企剩番包雲吞皮。

今曰就由我大顯身手包上海雲吞。

上海雲吞係我由細食同包到大嘅,

皆因無論係我屋企定係我阿嫲屋企都會一星期包一次。

材料:

上海雲吞皮一包

肉餡

水

生粉

做法:

皮一張

加入適量肉餡(非我出品,係尋日整獅子頭剩嘅)

唔好太多呀,我用咗兩匙肉餡。

沾水到四邊。

先摺成一半,

再沾水到左或右下角,

揸住兩角然後用手指公推嗰餡出去,

同時將其中一隻角叠落另一隻上。

下圖係右叠左

完成!

午餐有着落啦(笑)。